Guretzat berdin dira

astea eta jaia,

lana bihurtzen dugu

kantatzeko gaia.

Har ditzagun eskuan

giltza eta laia,

gariz eta burdinaz

lantzeko Bizkaia.

Guretzat berdin dira

astea eta jaia,

lana bihurtzen dugu

kantatzeko gaia.

Gitarrarekin aire berri bat

daramagu kantuz egun,

abesti libre eta leiala,

prestu eta noblezadun.

Haren medioz zer garen, ongi

izan gaitezen ezagun,

herri langile nekazaria

hala defendi dezagun.

herri langile nekazaria

hala defendi dezagun.

Guretzat berdin dira

astea eta jaia,

lana bihurtzen dugu

kantatzeko gaia.

Har ditzagun eskuan

giltza eta laia,

gariz eta burdinaz

lantzeko Bizkaia.

Guretzat berdin dira

astea eta jaia,

lana bihurtzen dugu

kantatzeko gaia.

Gure gogoa ez bedi arren

kantu honekin akaba,

gure ekintza izan dadila

gure hitzaren alaba.

Egun batetan esan dezagun

ez "hala biz" bai "hala da",

nekea eta lana dirade

zorionaren aldaba.

nekea eta lana dirade

zorionaren aldaba.

Guretzat berdin dira

astea eta jaia,

lana bihurtzen dugu

kantatzeko gaia.

Har ditzagun eskuan

giltza eta laia,

gariz eta burdinaz

lantzeko Bizkaia.

Guretzat berdin dira

astea eta jaia,

lana bihurtzen dugu

kantatzeko gaia.

Bide honetan baldin bagoaz,

jakin dezagun zergatik,

zin egin behar dugu zintzoki,

bakoitzak duenagatik;

sinestedunek dudarik gabe

bere Jangoikoagatik

eta sineste gabeek berriz

bere ohoreagatik,

eta sineste gabeek berriz

bere ohoreagatik.