Ozaze Jaurgainian bi zitroin doratü

Atarratzeko Jaunak bata dü galdatü;

üken dü arrapostü eztirela huntü,

huntürik direnian batto ükenen dü.

Portaliala juan zite, ahizpa maitia,

ingoiti horra düzü Atarratzeko Jauna,

otoi erran izozü ni eri nizala,

zazpi egün hoietan oihan nizala.

Klara, zuaza orai salako leihora,

ipar-ala egua denez jakitera,

iparra baldin bada goraintzi Salari,

ene korpitzaren txerka jin dadila sarri.

iparra baldin bada goraintzi Salari,

ene korpitzaren txerka jin dadila sarri.

Ama, juanen gira oro elkarrekin,

etxerat jinen zira xangri handireki,

bihotza kargatürik, begiak bustirik,

eta zure alaba tunban ehortzirik.

bihotza kargaturik, begiak bustirik,

eta zure alaba tunban ehortzirik.

Ama, saldu nauzü biga bat bezala,

bai eta desterratü, oi Españiala,

aita bizi üken banu, ama zü bezala

enunduzün ezkündüren Atarratzeko salala.

aita bizi üken banu, ama zu bezala

enunduzün ezkündüren Atarratzeko salala.